തിരുവനന്തപുരം: 2004-ൽ നടന്ന ലോക്‌സഭാ തെരഞ്ഞെടുപ്പ് വേളയിൽ ജോസ് കെ. മാണിക്ക് അനുകൂലമായ നിലപാടുകളുമായി ഗ്യാനേഷ് കുമാർ ഇടപെട്ടുവെന്ന ആരോപണവുമായി പി.സി. തോമസ് രംഗത്ത്. മൂവാറ്റുപുഴ മണ്ഡലത്തിൽ ജോസ് കെ. മാണിയുടെ അപര സ്ഥാനാർത്ഥി സമർപ്പിച്ച നാമനിർദ്ദേശ പത്രിക യാതൊരു ന്യായവുമില്ലാതെ തള്ളിക്കളയുകയായിരുന്നുവെന്നും അന്നത്തെ ജില്ലാ കളക്ടറായിരുന്ന ഗ്യാനേഷ് കുമാർ പ്രവർത്തിച്ചത് ഒരുപക്ഷേ കെ.എം. മാണിയുടെ നിർദ്ദേശപ്രകാരമായിരിക്കാമെന്നുമാണ് പി.സി. തോമസ് ഉന്നയിച്ച ആക്ഷേപം. പത്രികയിലെ ഒപ്പുകളിൽ വ്യത്യാസമുണ്ടെന്നാണ് അന്ന് ഗ്യാനേഷ് കുമാർ നൽകിയ വിശദീകരണം. ജോസ് കെ. മാണിയുടെ വോട്ടുകൾ ഭിന്നിപ്പിക്കുകയെന്ന ലക്ഷ്യത്തോടെയാണ് അപരനെ മത്സരരംഗത്ത് ഇറക്കിയതെന്നും സംഭവത്തിൽ വിശദമായ അന്വേഷണം നടത്തണമെന്നും പി.സി. തോമസ് ആവശ്യപ്പെട്ടു.