തിരുവനന്തപുരം: കൈക്കൂലി വാങ്ങുന്നതിനിടെ നെടുമങ്ങാട് പോലീസ് സ്റ്റേഷനിലെ സിവിൽ പോലീസ് ഉദ്യോഗസ്ഥൻ വിജിലൻസ് പിടിയിലായി. സീനിയർ സിവിൽ പോലീസ് ഓഫീസറായ ബിജുവാണ് വിജിലൻസ് സംഘത്തിന്റെ പിടിയിലായത്. പോലീസ് സ്റ്റേഷൻ പരിസരത്തിന് വെളിയിൽ വെച്ചാണ് ഇയാൾ പണം വാങ്ങിയത്. ഒരു കേസുമായി ബന്ധപ്പെട്ട ആവശ്യത്തിനായി അഭിഭാഷകനിൽ നിന്നാണ് ഇയാൾ കൈക്കൂലി വാങ്ങിയതെന്നാണ് ലഭിക്കുന്ന പ്രാഥമിക വിവരം. പതിനായിരം രൂപയാണ് ഉദ്യോഗസ്ഥൻ ഇത്തരത്തിൽ കൈപ്പറ്റിയത്.