പത്തനംതിട്ട: ആറന്മുളയിൽ ഓഫ് റോഡ് ജീപ്പിന് ഹൈക്കോടതി ഉത്തരവിൻ്റെ അടിസ്ഥാനത്തിൽ മോട്ടോർ വാഹന വകുപ്പ് ഈടാക്കിയ അരലക്ഷം രൂപയുടെ പിഴത്തുക ഹൈക്കോടതിയിലെ അഭിഭാഷകർ നേരിട്ട് അടയ്ക്കുമെന്ന് അബിൻ വർക്കി എം.എൽ.എ അറിയിച്ചു. ആറന്മുള വള്ളസദ്യ വഴിപാടായി നടത്തിയ അഭിഭാഷകരുടെ സംഘമാണ് ഈ പിഴസംഖ്യ ഏറ്റെടുത്ത് നൽകുന്നത്. മുൻപ് വെള്ളപ്പൊക്ക സമയത്ത് അമലും സംഘവും കാഴ്ചവെച്ച ധീരമായ രക്ഷാപ്രവർത്തനങ്ങൾക്കുള്ള ആദരവും അംഗീകാരവുമായാണ് ഈ തുക അവർ നൽകുന്നതെന്ന് എം.എൽ.എ വ്യക്തമാക്കി. സമൂഹമാധ്യമമായ ഫേസ്ബുക്കിൽ പങ്കുവെച്ച കുറിപ്പിലൂടെയാണ് അബിൻ വർക്കി ഇക്കാര്യം വ്യക്തമാക്കിയതും അഭിഭാഷകരോടുള്ള നന്ദി രേഖപ്പെടുത്തിയതും.