തിരുവനന്തപുരം: കേരള സർവകലാശാലയിലെ പരിപാടിയിൽ വന്ദേമാതരം പൂർണ്ണരൂപത്തിൽ ആലപിച്ചതിൽ പ്രതിഷേധിച്ച് എസ്.എഫ്.ഐ നടത്തിയ മാർച്ചിലുണ്ടായ സംഘർഷത്തിൽ നേതാക്കൾക്കെതിരെ കേസെടുത്ത് പോലീസ്. എസ്.എഫ്.ഐ സംസ്ഥാന പ്രസിഡന്റ് എം. ശിവപ്രസാദ്, സംസ്ഥാന സെക്രട്ടറി പി.എസ്. സഞ്ജീവ് എന്നിവരടക്കം എട്ട് നേതാക്കൾക്കെതിരെയാണ് പോലീസ് കേസ് രജിസ്റ്റർ ചെയ്തത്. കണ്ടാലറിയാവുന്ന നൂറോളം പ്രവർത്തകരെയും എഫ്.ഐ.ആറിൽ പ്രതിചേർത്തിട്ടുണ്ട്. സർവകലാശാലയിൽ നടന്ന ദേശീയ കായികദിനാഘോഷ ചടങ്ങിൽ വന്ദേമാതരം സമ്പൂർണ്ണമായി പാടിയതിനെതിരെയായിരുന്നു എസ്.എഫ്.ഐയുടെ പ്രതിഷേധ മാർച്ച്. മാർച്ചിന് നേരെ പോലീസ് നടപടിയുണ്ടായതോടെ രംഗം സംഘർഷഭരിതമായി മാറുകയായിരുന്നു.