മലപ്പുറം: നിലമ്പൂർ ഗവൺമെന്റ് ഐ.ടി.ഐ ഹോസ്റ്റലിൽ താമസിക്കുന്ന വിദ്യാർത്ഥികൾക്ക് മൂന്നുനേരത്തെ ഭക്ഷണം മുടങ്ങി. പ്രഭാതഭക്ഷണം, ഉച്ചഭക്ഷണം, അത്താഴം എന്നിവയടക്കം ലഭിക്കാതായതോടെ വിദ്യാർത്ഥികൾ അടിയന്തര ഇടപെടൽ ആവശ്യപ്പെട്ട് കുത്തിയിരിപ്പ് സമരം ആരംഭിച്ചു. സംഭവത്തിൽ പ്രതിഷേധിച്ച് എസ്.എഫ്.ഐ ക്യാമ്പസിലേക്ക് പ്രതിഷേധ മാർച്ച് സംഘടിപ്പിച്ചു.
. ഐ.ടി.ഐകളുമായി ബന്ധപ്പെട്ട ഫയലുകൾ ധനകാര്യ വകുപ്പിൽ തീർപ്പാക്കാതെ കെട്ടിക്കിടക്കുന്നതാണ് ഹോസ്റ്റലിലെ ഭക്ഷണ വിതരണം നിലയ്ക്കാനും ഇപ്പോഴത്തെ പ്രതിസന്ധിക്കും കാരണമായതെന്നാണ് ഉയരുന്ന ആരോപണം.
