തിരുവനന്തപുരം: വനിതാ ശിശു വികസന വകുപ്പ് സംഘടിപ്പിക്കുന്ന സ്ത്രീകളുടെ ഒത്തുചേരൽ പരിപാടിക്കെതിരെ കടുത്ത അധിക്ഷേപ പരാമർശങ്ങളുമായി ഓൾ കേരള മെൻസ് അസോസിയേഷൻ രംഗത്ത്. സോഷ്യൽ മീഡിയയിൽ പങ്കുവെച്ച വീഡിയോയിലൂടെയാണ് അസോസിയേഷൻ സ്ത്രീവിരുദ്ധ പരാമർശങ്ങൾ നടത്തിയത്.
ഓൾ കേരള മെൻസ് അസോസിയേഷൻ സംസ്ഥാന പ്രസിഡന്റ് വട്ടിയൂർക്കാവ് എസ്. കുമാറാണ് വീഡിയോയിലൂടെ മോശം പദപ്രയോഗങ്ങൾ നടത്തിയത്. സ്ത്രീകൾക്ക് അടങ്ങാത്ത കാമഭ്രാന്താണെന്നും, രാത്രിസമയങ്ങളിൽ പുറത്തിറങ്ങി നടക്കുന്നത് തെരുവ് വേശ്യകളാണെന്നും തുടങ്ങിയ അതീവ ഗുരുതരമായ അധിക്ഷേപങ്ങളാണ് ഇയാൾ ഉന്നയിച്ചത്. വനിതാ ശിശു വികസന വകുപ്പിന്റെ നേതൃത്വത്തിൽ ഇന്ന് രാത്രി പത്ത് മണിക്കാണ് വനിതകളുടെ ഒത്തുചേരൽ നിശ്ചയിച്ചിരിക്കുന്നത്.
സ്വാതന്ത്ര്യദിനാഘോഷങ്ങളുടെ ഭാഗമായി 'റീസർജ് സേഫ് വുമൻ സേഫ് കേരള' വനിതാ കൂട്ടായ്മയുടെ ആഭിമുഖ്യത്തിൽ നഗരത്തിൽ ഒത്തുചേരൽ സംഘടിപ്പിക്കുമെന്ന് മന്ത്രി ബിന്ദു കൃഷ്ണ വാർത്താസമ്മേളനത്തിൽ അറിയിച്ചിരുന്നു. തിരുവനന്തപുരം എം.ജി റോഡിലെ യൂണിവേഴ്സിറ്റി ജംഗ്ഷൻ മുതൽ ആയുർവേദ കോളേജ് ജംഗ്ഷൻ വരെ രാത്രി 9:30 മുതലാണ് പരിപാടി നടക്കുന്നത്. യൂണിവേഴ്സിറ്റി കോളേജ് ജംഗ്ഷനിൽ നടക്കുന്ന ഉദ്ഘാടന സമ്മേളനം ബഹുമാനപ്പെട്ട മുഖ്യമന്ത്രി ശ്രീ വി.ഡി. സതീശൻ ഉദ്ഘാടനം ചെയ്യുമെന്നും, പ്രവേശനം തികച്ചും സൗജന്യമായ ഈ പരിപാടിയിലേക്ക് പുരുഷന്മാർ ഉൾപ്പെടെയുള്ള എല്ലാവരെയും സ്വാഗതം ചെയ്യുന്നതായും മന്ത്രി അറിയിച്ചു.
