മുംബൈ: ഇന്ത്യ വിടണമെന്ന് ആവശ്യപ്പെട്ട് ഫോറിനേഴ്‌സ് റീജിയണൽ രജിസ്ട്രേഷൻ ഓഫീസ് (എഫ്ആർആർഒ) നൽകിയ നോട്ടീസിനെതിരെ ബോളിവുഡ് നടൻ ഇമ്രാൻ ഖാന് ബോംബെ ഹൈക്കോടതിയിൽ നിന്ന് താൽക്കാലിക ആശ്വാസം. ഒക്ടോബർ 28-നകം രാജ്യം വിടണമെന്നായിരുന്നു എഫ്ആർആർഒ നിർദ്ദേശം; ഇതിനെതിരെ താരം സമർപ്പിച്ച ഹർജി പരിഗണിച്ച കോടതി, നവംബർ രണ്ട് തിങ്കളാഴ്ച ഉച്ചയ്ക്ക് മൂന്ന് മണി വരെ ഇമ്രാന് ഇന്ത്യയിൽ തങ്ങാൻ അനുമതി നൽകുകയായിരുന്നു.

കേന്ദ്ര സർക്കാരിന് വേണ്ടി ഹാജരായ അഡ്വക്കേറ്റ് വെങ്കട്ടേഷ് ധോണ്ട് കൂടുതൽ സമയം ആവശ്യപ്പെട്ടതിനെ തുടർന്നാണ് ഹൈക്കോടതി കേസ് അടുത്ത തിങ്കളാഴ്ചത്തേക്ക് മാറ്റിവെച്ചത്. അടുത്ത വാദം കേൾക്കുന്നതുവരെ എഫ്ആർആർഒയുടെ പുറത്താക്കൽ ഉത്തരവ് നടപ്പാക്കുന്നത് മരവിപ്പിച്ചിട്ടുണ്ട്.

ഈ കാലാവധി തീരുന്നത് വരെ നടനെതിരെ യാതൊരുവിധ നടപടികളും സ്വീകരിക്കരുതെന്നും കോടതി വ്യക്തമാക്കിയിട്ടുണ്ട്. നവംബർ 2 ഉച്ചയ്ക്ക് 3 മണിക്കാണ് ഹർജി വീണ്ടും കോടതിയുടെ പരിഗണനയ്ക്ക് വരുന്നത്.