ന്യൂഡൽഹി: സിജെപി സമരത്തിനെതിരെയുള്ള സർക്കാർ നടപടികൾ അടിയന്തരാവസ്ഥയേക്കാൾ ഭീകരമാണെന്നും രാജ്യം മോദി ഭരണത്തിൻ കീഴിൽ പൂർണ്ണ ഏകാധിപത്യത്തിലാണ് കഴിയുന്നതെന്നും എഎപി നേതാവ് അരവിന്ദ് കെജ്‌രിവാൾ. തെരഞ്ഞെടുപ്പ് കമ്മീഷണർ ഗ്യാനേഷ് കുമാർ സ്ഥാനമൊഴിയണമെന്നും നരേന്ദ്ര മോദി പ്രധാനമന്ത്രി പദവി ഒഴിയണമെന്നും അദ്ദേഹം എക്സിലൂടെ ആവശ്യപ്പെട്ടു.
വോട്ട് തട്ടിയെടുത്താണ് താൻ തെരഞ്ഞെടുപ്പ് ജയിച്ചതെന്ന് മോദിക്ക് വ്യക്തമായി അറിയാമെന്നും, ആ തെരഞ്ഞെടുപ്പ് തട്ടിപ്പിനെ സംരക്ഷിക്കാൻ ജനാധിപത്യത്തെ പൂർണ്ണമായി തകർക്കാനാണ് അദ്ദേഹം ശ്രമിക്കുന്നതെന്നും കെജ്‌രിവാൾ ആരോപിച്ചു.
വിമാനമിറങ്ങിയ ഉടൻ തന്നെ ‘പാറ്റകളെ’പ്പോലും അറസ്റ്റ് ചെയ്യുന്നത് മുമ്പെങ്ങും കണ്ടിട്ടില്ലാത്ത വിധത്തിലുള്ള ഭരണകൂട ഭയത്തിന്റെ തെളിവാണെന്ന് ഔദ്യോഗികമായി വ്യക്തമായിരിക്കുകയാണെന്നും അദ്ദേഹം കുറിപ്പിൽ വ്യക്തമാക്കി.
