മകൻ തടങ്കലിലാക്കപ്പെടുമെന്ന് തനിക്ക് നേരത്തെ ആശങ്കയുണ്ടായിരുന്നുവെന്നും സർക്കാർ നടപടി തെറ്റാണെന്നും സിജെപി നേതാവ് അഭിജീത് ദീപ്‌കെയുടെ മാതാവ് അനിത ദീപ്കെ. മകൻ കസ്റ്റഡിയിലായതിന് പിന്നാലെ മാധ്യമങ്ങളോട് സംസാരിക്കുകയായിരുന്നു അവർ.
അഭിജീത് പുറത്തിറങ്ങുമ്പോഴെല്ലാം തനിക്ക് ഭയമാണെന്നും അവൻ ആക്രമിക്കപ്പെടുകയോ കസ്റ്റഡിയിലാവുകയോ ചെയ്യുമെന്ന് അറിയാമായിരുന്നുവെന്നും അവർ വ്യക്തമാക്കി. മകൻ എന്ത് കുറ്റമാണ് ചെയ്തതെന്നും എന്തിനാണ് സർക്കാർ അവനെ വേട്ടയാടുന്നതെന്നും അവർ ചോദിച്ചു.
ലാത്തികളുമായി റീൽസ് ചിത്രീകരിക്കുന്നവരെ സ്വതന്ത്രമായി വിഹരിക്കാൻ അനുവദിക്കുന്നവർ, രാജ്യത്തിനുവേണ്ടി പ്രവർത്തിക്കുന്നവരെയാണ് ആക്രമിക്കുന്നതെന്നും അനിത ദീപ്കെ തുറന്നടിച്ചു.
