ന്യൂഡൽഹി: സിജെപി സമരത്തെ അടിച്ചമർത്താൻ കേന്ദ്ര സർക്കാർ സ്വീകരിച്ച കടുത്ത നടപടികളെ രൂക്ഷമായി വിമർശിച്ച് എഐസിസി ജനറൽ സെക്രട്ടറി കെ.സി. വേണുഗോപാൽ. "ഇന്ത്യൻ ജനാധിപത്യത്തിന് ആദരാഞ്ജലികൾ (1947–2026)" എന്ന് എക്സിൽ കുറിച്ച അദ്ദേഹം, മോദി–ഷാ ഭരണകൂടം സ്വന്തം ജനതയ്ക്കെതിരെ ഔദ്യോഗികമായി യുദ്ധം പ്രഖ്യാപിച്ചിരിക്കുകയാണെന്ന് ആരോപിച്ചു.
ഡൽഹിയെ പൂർണ്ണ നിയന്ത്രണത്തിലാക്കി സിആർപിഎഫ് സേനയെ വിന്യസിച്ചതായും, മുഴുവൻ ട്രെയിൻ സർവീസുകളും റദ്ദാക്കി 57 മെട്രോ സ്റ്റേഷനുകൾ അടച്ചുപൂട്ടിയതായും അദ്ദേഹം ചൂണ്ടിക്കാട്ടി. നഗരത്തിൽ ആളുകളെ വ്യാപകമായി കസ്റ്റഡിയിലെടുക്കുകയാണെന്നും അദ്ദേഹം വ്യക്തമാക്കി.
നിയമവിരുദ്ധമായി അധികാരം കൈക്കലാക്കിയ ഏകാധിപതികൾക്കെതിരെ സമാധാനപരമായി നടക്കുന്ന അഹിംസാത്മക സത്യാഗ്രഹത്തെ ഏറ്റവും ക്രൂരമായ രീതിയിലാണ് ഭരണകൂടം അടിച്ചമർത്തുന്നതെന്നും കെ.സി. വേണുഗോപാൽ വിമർശിച്ചു.
