ന്യൂഡൽഹി: തലസ്ഥാനത്ത് പ്രതിഷേധ സമരം ആരംഭിക്കാനിരിക്കെ പ്രമുഖ യൂട്യൂബർ ധ്രുവ് റാഠിയെ ഡൽഹി പോലീസ് കസ്റ്റഡിയിലെടുത്ത നടപടിയെ രൂക്ഷമായി വിമർശിച്ച് കോക്രോച്ച് ജനതാ പാർട്ടി (സിജെപി). തെറ്റുകളെ ചോദ്യം ചെയ്യുകയും മിണ്ടാതിരിക്കാൻ തയ്യാറാകാതിരിക്കുകയും ചെയ്യുന്ന യുവതലമുറയെ ഏകാധിപതി ഭയക്കുകയാണെന്ന് പ്രധാനമന്ത്രി നരേന്ദ്ര മോദിയെ ലക്ഷ്യമിട്ട് സിജെപി തങ്ങളുടെ ഔദ്യോഗിക എക്സ് ഹാൻഡിലിലൂടെ പ്രതികരിച്ചു.
ഗുരുഗ്രാമിലെ സെക്ടർ 56-ൽ കുടുംബത്തോടൊപ്പം കഴിഞ്ഞിരുന്ന വസതിയിൽ നിന്നാണ് ധ്രുവ് റാഠിയെ പോലീസ് സംഘം കസ്റ്റഡിയിലെടുത്തത്. ഡൽഹിയിൽ സിജെപിയുടെ പ്രതിഷേധ പരിപാടി നടക്കാനിരിക്കെയാണ് ഈ നടപടിയുണ്ടായത്.
