ന്യൂഡൽഹി: പാർട്ടി നേതാക്കളായ അഭിജീത് ദീപ്‌കെ, സൗരവ് ദാസ്, ആശുതോഷ് റങ്ക എന്നിവർ പോലീസ് കസ്റ്റഡിയിൽ തുടരുന്ന സാഹചര്യത്തിൽ ജന്തർ മന്തറിലെ പ്രതിഷേധ പരിപാടികൾക്ക് സംഘടനാ ചുമതലയുള്ള അജിങ്ക്യ ഷിൻഡെ നേതൃത്വം നൽകുമെന്ന് കോക്രോച്ച് ജനതാ പാർട്ടി (സിജെപി) അറിയിച്ചു.
അറസ്റ്റിലായേക്കുമെന്ന സാധ്യത മുൻകൂട്ടി കണ്ട് അഭിജീത് ദീപ്‌കെ കഴിഞ്ഞ രാത്രി തന്നെ ചിത്രീകരിച്ച് വെച്ച വീഡിയോ പുറത്തുവിട്ടുകൊണ്ടാണ് സിജെപി ഈ തീരുമാനം ഔദ്യോഗികമായി അറിയിച്ചത്.
മുഖ്യ തെരഞ്ഞെടുപ്പ് കമ്മീഷണർ ഗ്യാനേഷ് കുമാറിനെ പുറത്താക്കണമെന്ന് ആവശ്യപ്പെട്ട് ജന്തർ മന്തറിൽ സംഘടിപ്പിച്ച സിജെപി സമരത്തിന് മുന്നോടിയായി ഇരുന്നൂറോളം പേരെ ഡൽഹി പോലീസ് കസ്റ്റഡിയിലെടുത്തു. കസ്റ്റഡിയിലായ സിജെപി നേതാവ് അഭിജിത് ദീപ്‌കെയെ പോലീസ് അജ്ഞാത കേന്ദ്രത്തിലേക്ക് മാറ്റിയതായും നേതാക്കളുടെ ഫോണുകൾ പിടിച്ചെടുത്തതായും റിപ്പോർട്ടുണ്ട്.
