ന്യൂഡൽഹി: ഡൽഹി വിമാനത്താവളത്തിലെത്തിയ സിജെപി നേതാക്കളായ സൗരവ് ദാസിനെയും അശുതോഷ് റാങ്കെയെയും അവർ സഞ്ചരിച്ച വിമാനത്തിനകത്ത് കയറി പോലീസ് കസ്റ്റഡിയിലെടുത്തു. ഇവർക്കൊപ്പമുണ്ടായിരുന്ന സിജെപി നേതാവ് അഭിജീത് ദീപ്കെയെയും വിമാനത്തിനുള്ളിൽ നിന്നാണ് പോലീസ് കസ്റ്റഡിയിലെടുത്തത്; ഉദ്യോഗസ്ഥർ വിമാനത്തിൽ പ്രവേശിക്കുന്ന ദൃശ്യങ്ങൾ അഭിജീത് ദീപ്കെ ഇൻസ്റ്റാഗ്രാമിലൂടെ പങ്കുവെച്ചിരുന്നു.
അതേസമയം, മുഖ്യ തെരഞ്ഞെടുപ്പ് കമ്മീഷണർ ഗ്യാനേഷ് കുമാറിന്റെ രാജി ആവശ്യപ്പെട്ട് സിജെപി നടത്തുന്ന സമരത്തിന് ഐക്യദാർഢ്യം പ്രഖ്യാപിച്ച് പ്രതിഷേധിച്ച സിപിഐഎം നേതാക്കളായ ബൃന്ദാ കാരാട്ടിനെയും കെ.കെ. ശൈലജയെയും ഡൽഹി പോലീസ് കസ്റ്റഡിയിലെടുത്തു.
