ന്യൂഡൽഹി: ഐസ (AISA) പ്രസിഡന്റ് നേഹ ബോറയെയും കൂടെയുണ്ടായിരുന്ന സഹപ്രവർത്തകരെയും പോലീസ് തടഞ്ഞുവെച്ച് കസ്റ്റഡിയിലെടുത്തു. സഫ്ദർജംഗ് എയർപോർട്ട് ഫ്ലൈഓവറിന് സമീപത്തുവെച്ചാണ് ഇവരെ തടഞ്ഞത്.

നേഹ ബോറയെ പോലീസ് കസ്റ്റഡിയിലെടുത്ത വിവരം സിപിഐഎംഎൽ ലിബറേഷൻ ഔദ്യോഗികമായി എക്സിലൂടെ (ട്വിറ്റർ) സ്ഥിരീകരിച്ചു.

മുഖ്യ തെരഞ്ഞെടുപ്പ് കമ്മീഷണർ ഗ്യാനേഷ് കുമാറിനെ പുറത്താക്കണമെന്ന് ആവശ്യപ്പെട്ട് ജന്തർ മന്തറിൽ സംഘടിപ്പിച്ച സിജെപി സമരത്തിന് മുന്നോടിയായി ഇരുന്നൂറോളം പേരെ ഡൽഹി പോലീസ് കസ്റ്റഡിയിലെടുത്തു. കസ്റ്റഡിയിലായ സിജെപി നേതാവ് അഭിജിത് ദീപ്‌കെയെ പോലീസ് അജ്ഞാത കേന്ദ്രത്തിലേക്ക് മാറ്റിയതായും നേതാക്കളുടെ ഫോണുകൾ പിടിച്ചെടുത്തതായും റിപ്പോർട്ടുണ്ട്.