ന്യൂഡൽഹി: ഡൽഹി യൂണിവേഴ്സിറ്റി യൂണിയൻ തെരഞ്ഞെടുപ്പിൽ എ.ബി.വി.പിയുടെ പരമ്പരാഗത ശക്തികേന്ദ്രങ്ങളിൽ അട്ടിമറി വിജയം നേടി എസ്.എഫ്.ഐ. ഭാസ്കരാചാര്യ കോളേജിൽ എസ്.എഫ്.ഐ സംസ്ഥാന കമ്മിറ്റി അംഗമായ ആർച്ചി പ്രസിഡന്റ് പദവിയിലേക്ക് വിജയിച്ചു കയറി. സാക്കിർ ഹുസൈൻ കോളേജിലും എസ്.എഫ്.ഐ മിന്നും വിജയം കരസ്ഥമാക്കി. ഇവിടെ ജോയിന്റ് സെക്രട്ടറിയായി എസ്.എഫ്.ഐ സ്ഥാനാർത്ഥി ജിതേന്ദ്ര തെരഞ്ഞെടുക്കപ്പെട്ടു.