മുംബൈ: 2027 ഐപിഎൽ സീസൺ ആരംഭിക്കാനിരിക്കെ മുംബൈ ഇന്ത്യൻസിന്റെ മുഖ്യ പരിശീലക പദവിയിൽ നിന്ന് ശ്രീലങ്കൻ ക്രിക്കറ്റ് ഇതിഹാസം മഹേള ജയവർധനെ പടിയിറങ്ങി. ഫ്രാഞ്ചൈസിയിലെ തന്റെ പഴയ ചുമതലകളിലേക്ക് മടങ്ങുന്നതിന്റെ ഭാഗമായാണ് പരിശീലക സ്ഥാനത്തുനിന്നുള്ള ഈ മാറ്റം.
മുംബൈ ഇന്ത്യൻസിന്റെ 'ഗ്ലോബൽ ഹെഡ് ഓഫ് പെർഫോമൻസ്' എന്ന സുപ്രധാന പദവിയിലേക്കാണ് ജയവർധനെ ഇനി തിരിച്ചെത്തുന്നത്.
ഇതോടെ മുംബൈ ഇന്ത്യൻസിന് പുറമെ, എംഐ കേപ് ടൗൺ, എംഐ ന്യൂയോർക്ക്, എംഐ എമിറേറ്റ്സ് എന്നിവയുൾപ്പെടുന്ന ഫ്രാഞ്ചൈസിയുടെ ആഗോള ക്രിക്കറ്റ് ടീമുകളുടെ സമ്പൂർണ്ണ മേൽനോട്ടം അദ്ദേഹം വീണ്ടും ഏറ്റെടുക്കും.
