കൊച്ചി: പ്രതിപക്ഷ 'ഇന്ത്യ' സഖ്യം സംഘടിപ്പിച്ച ഡൽഹി ചലോ റാലിയുടെ വിജയത്തിന് പിന്നിൽ എഐസിസി ജനറൽ സെക്രട്ടറി കെ.സി. വേണുഗോപാൽ നടത്തിയ സംഘാടക നീക്കങ്ങളെ അഭിനന്ദിച്ച് കെപിസിസി ജനറൽ സെക്രട്ടറിയും എഐസിസി അംഗവുമായ ദീപ്തി മേരി വർഗീസ്. റാലിയുടെ മുന്നൊരുക്കങ്ങളിൽ അദ്ദേഹം വഹിച്ച പങ്ക് എടുത്തുപറഞ്ഞുകൊണ്ടായിരുന്നു അവരുടെ പ്രതികരണം.
മാധ്യമ ക്യാമറകളെല്ലാം രാഹുൽ ഗാന്ധി, പ്രിയങ്ക ഗാന്ധി, അഖിലേഷ് യാദവ് തുടങ്ങിയ പ്രധാന നേതാക്കളിലേക്ക് മാത്രം തിരിഞ്ഞപ്പോൾ, ആ ശ്രദ്ധയിലൊന്നും പെടാതെ അണിയറയിൽ ഉറച്ചുനിന്ന വ്യക്തിയായിരുന്നു കെ.സി. വേണുഗോപാലെന്ന് ദീപ്തി മേരി വർഗീസ് ഫേസ്ബുക്ക് കുറിപ്പിൽ വ്യക്തമാക്കി.
