കൊച്ചി: ചേരാനല്ലൂർ വാഹനാപകടക്കേസുമായി ബന്ധപ്പെട്ട് കാറുടമയായ ജഡ്ജിയുടെ വസതിയിൽ ക്രൈംബ്രാഞ്ചും പൊലീസും സംയുക്തമായി ഏഴ് മണിക്കൂർ നീണ്ട വിശദമായ പരിശോധന നടത്തി. പരിശോധനയിൽ ആഡംബര ബൈക്കും നിർണായക ഡിജിറ്റൽ ഉപകരണങ്ങളും വാഹന രേഖകളും ഫ്ലാറ്റിലെ സിസിടിവി ദൃശ്യങ്ങളും ഉദ്യോഗസ്ഥർ പിടിച്ചെടുത്തു.
പിടിച്ചെടുത്ത ആഡംബര ബൈക്ക് പതിനേഴുകാരനായ മകനാണ് ഉപയോഗിച്ചിരുന്നതെന്ന് പൊലീസ് വ്യക്തമാക്കി. കൂടാതെ ഈ വാഹനത്തിന്റെ രജിസ്ട്രേഷനിൽ ദുരൂഹതയുണ്ടെന്ന സംശയത്തിലാണ് അന്വേഷണ സംഘം.
സംഭവം നടന്ന ദിവസം ഫ്ലാറ്റിൽ ജോലിയിലുണ്ടായിരുന്ന സെക്യൂരിറ്റി ജീവനക്കാരുടെ വിശദമായ മൊഴിയും അന്വേഷണ സംഘം രേഖപ്പെടുത്തിയിട്ടുണ്ട്.
