തിരുവനന്തപുരം: മുൻ സൈനികരെ അധിക്ഷേപിച്ച് സംസാരിച്ചെന്ന പരാതിയിൽ ചലച്ചിത്ര പ്രവർത്തകൻ ശാന്തിവിള ദിനേശനെതിരെ കേസെടുത്തു. വിമുക്തഭടന്മാരുടെ സംഘടനയായ അനന്തപുരി സോൾജ്യേഴ്സ് ഓർഗനൈസേഷൻ മുഖ്യമന്ത്രി വി.ഡി. സതീശന് നൽകിയ പരാതിയുടെ അടിസ്ഥാനത്തിലാണ് നിയമനടപടി.
സംവിധായകൻ മേജർ രവിയെ രൂക്ഷമായി വിമർശിച്ചുകൊണ്ട് നൽകിയ ഒരു അഭിമുഖത്തിലാണ് വിമുക്തഭടന്മാർക്ക് വിലയില്ലെന്ന തരത്തിലുള്ള പരാമർശം ഇയാൾ നടത്തിയത്. രാജ്യസുരക്ഷയ്ക്കായി ജീവിതം മാറ്റിവെച്ചവരെ പരസ്യമായി അവഹേളിക്കുന്ന നിലപാടാണ് ശാന്തിവിള ദിനേശന്റേതെന്ന് പരാതിയിൽ ചൂണ്ടിക്കാട്ടുന്നു.
വിവാദമായ അഭിമുഖം പരിശോധിച്ച് ദിനേശനെതിരെ കർശന നിയമനടപടികൾ സ്വീകരിക്കണമെന്നും, എടുത്ത തുടർനടപടികൾ തങ്ങളെ അറിയിക്കണമെന്നും സംഘടന മുഖ്യമന്ത്രിയോട് ആവശ്യപ്പെട്ടിട്ടുണ്ട്.
