കൊച്ചി: വയലാർ അവാർഡ് നേടിയ ആർ. രാജശ്രീയുടെ 'ആത്രേയകം' എന്ന നോവലിനെതിരെ ആശയം പകർത്തിയെന്ന ഗുരുതര ആരോപണവുമായി എഴുത്തുകാരിയും അധ്യാപികയുമായ ഡോ. വിനയശ്രീ. അവാർഡ് നൽകിയ നടപടി പുനഃപരിശോധിക്കണമെന്ന് ആവശ്യപ്പെട്ട് വിനയശ്രീ വയലാർ അവാർഡ് സമിതി, മുഖ്യമന്ത്രി, സാംസ്കാരിക മന്ത്രി എന്നിവർക്ക് ഔദ്യോഗികമായി പരാതി നൽകിയ വിവരം ഫേസ്ബുക്കിലൂടെ വ്യക്തമാക്കി.
തന്റെ രചനകളായ 'പാഞ്ചാലിയുടെ ഏഴു രാത്രികൾ', 'ഹിഡിംബി', 'ശിഖണ്ഡി' എന്നീ നോവലുകളിലെ ആശയങ്ങളുമായി 'ആത്രേയക'ത്തിന് നേരിട്ട് ബന്ധമുണ്ടെന്നാണ് വിനയശ്രീയുടെ വാദം. ഈ കൃതികളിൽ നിന്നാണ് ആശയങ്ങൾ കടമെടുത്തതെന്നും അവർ പരാതിയിൽ ആരോപിക്കുന്നു.
