സിഎംആർഎൽ - എക്സാലോജിക് സാമ്പത്തിക ഇടപാട് കേസിൽ ഹൈക്കോടതി ഡിവിഷൻ ബെഞ്ചിന്റെ നടപടിയെ സിപിഐഎം സംസ്ഥാന സെക്രട്ടറി എം.വി. ഗോവിന്ദൻ ഔദ്യോഗികമായി സ്വാഗതം ചെയ്തു. രാജ്യത്ത് നിയമവാഴ്ചയെ പൂർണ്ണമായും ഉയർത്തിപ്പിടിക്കുന്ന വിധിയാണ് ഉണ്ടായിരിക്കുന്നതെന്ന് അദ്ദേഹം തിരുവനന്തപുരത്ത് വ്യക്തമാക്കി.
പാർട്ടിയെ തകർക്കാൻ ലക്ഷ്യമിട്ട് രാഷ്ട്രീയ പ്രേരിതമായി കെട്ടിച്ചമച്ചതാണ് എക്സാലോജിക് കേപ്പെന്ന് അദ്ദേഹം ആരോപിച്ചു. മുഖ്യമന്ത്രി പിണറായി വിജയന്റെ മകൾ വീണ വിജയനെതിരെ എന്ന രീതിയിൽ തുടക്കം മുതൽ വ്യാജ ആരോപണങ്ങൾ ഉന്നയിച്ച് സിപിഐഎമ്മിനെ കടന്നാക്രമിക്കാനുള്ള ആസൂത്രിത നീക്കമാണ് നടന്നതെന്നും, എന്നാൽ കോടതി ഈ കള്ളക്കഥകൾ പൂർണ്ണമായി വിശ്വസിക്കാൻ തയ്യാറായില്ലെന്നും അദ്ദേഹം ചൂണ്ടിക്കാണിച്ചു.
ആദ്യം വ്യക്തികൾക്കെതിരെ എന്ന നിലയിൽ തുടങ്ങി പിന്നീട് പിണറായി വിജയനെയും മുഹമ്മദ് റിയാസിനെയും ലക്ഷ്യമിട്ട് കാര്യങ്ങൾ എത്തിച്ചത് കൃത്യമായ രാഷ്ട്രീയ ഗൂഢാലോചനയുടെ ഭാഗമാണെന്ന് എം.വി. ഗോവിന്ദൻ കുറ്റപ്പെടുത്തി. നരേന്ദ്ര മോദി, ഇഡി, വി.ഡി. കൂട്ടുകെട്ടിന്റെ പാർട്ടി വിരുദ്ധ ഗൂഢാലോചന തുറന്നുകാട്ടപ്പെട്ട ഈ സാഹചര്യത്തിൽ ഇതിനെ രാഷ്ട്രീയമായും നിയമപരമായും ശക്തമായി പ്രതിരോധിക്കുമെന്നും, സുപ്രീം കോടതിയെപ്പോലെ ഹൈക്കോടതിയും നിയമവാഴ്ചയാണ് സംരക്ഷിച്ചതെന്നും അദ്ദേഹം കൂട്ടിച്ചേർത്തു.
