തിരുവനന്തപുരം: കെ. സുധാകരനെ കെപിസിസി പ്രസിഡന്റ് പദവിയിൽ നിന്ന് പുകച്ചുചാടിച്ചതിന് സമാനമായി യുഡിഎഫ് കൺവീനറെയും ഒറ്റപ്പെടുത്തി പുറത്താക്കാൻ ശ്രമം നടക്കുന്നുണ്ടോയെന്ന് താനും സംശയിക്കുന്നതായി യുഡിഎഫ് കൺവീനർ അടൂർ പ്രകാശ്. മുഖ്യമന്ത്രി വി.ഡി. സതീശനെ ലക്ഷ്യമിട്ട് രൂക്ഷവിമർശനം ഉന്നയിച്ച അദ്ദേഹം, 'കൗമുദി ചാനലിന്' നൽകിയ അഭിമുഖത്തിലാണ് ഈ കാര്യങ്ങൾ തുറന്നുപറഞ്ഞത്. നിലവിലെ പോക്ക് കാണുമ്പോൾ യുഡിഎഫ് കൺവീനറെ ഒറ്റപ്പെടുത്താൻ ആസൂത്രിത നീക്കമുണ്ടോയെന്ന ചോദ്യത്തിനായിരുന്നു അദ്ദേഹത്തിന്റെ പ്രതികരണം.
കെ. സുധാകരനെപ്പോലെയുള്ള ഒരു നേതാവിനെ ഒറ്റപ്പെടുത്തി ഒരു പ്രത്യേക സാഹചര്യത്തിൽ എത്തിച്ചാണ് കെപിസിസി അധ്യക്ഷ സ്ഥാനത്തുനിന്ന് പുകച്ചുപുറത്താക്കിയതെന്ന് അടൂർ പ്രകാശ് വെളിപ്പെടുത്തി. ഇതിന് പിന്നിൽ പ്രവർത്തിച്ചത് ആരാണെന്ന് എടുത്തുപറയുന്നില്ലെങ്കിലും ഒരു ഉപജാപക സംഘം ഇതിന് പിന്നിലുണ്ടായിരുന്നുവെന്ന് അദ്ദേഹം തുറന്നടിച്ചു.
കൂടാതെ, മുഖ്യമന്ത്രിയുടെ വിമാനയാത്രയുമായി ബന്ധപ്പെട്ട് പൊതുജനങ്ങൾക്ക് യാതൊരുവിധ സംശയങ്ങളും ഉണ്ടാകാൻ പാടില്ലെന്നും അടൂർ പ്രകാശ് കൂട്ടിച്ചേർത്തു.
