മുഖ്യമന്ത്രിയുടെ വിമാനയാത്ര സംബന്ധിച്ച് പൊതുജനങ്ങൾക്ക് യാതൊരുവിധ സംശയങ്ങളും ഉണ്ടാകാൻ ഇടവരരുതെന്ന് യുഡിഎഫ് കൺവീനർ അടൂർ പ്രകാശ്. ജനങ്ങൾക്കിടയിൽ ഇത്തരമൊരു ചോദ്യമുയരുന്നുണ്ടെങ്കിൽ, ഏത് ആവശ്യത്തിനാണ് ആർക്കൊപ്പമാണ് യാത്ര ചെയ്തതെന്ന് തുറന്നുപറയാനുള്ള ആർജ്ജവം കാണിക്കണമെന്നാണ് തന്റെ വ്യക്തിപരമായ അഭിപ്രായമെന്ന് അദ്ദേഹം വ്യക്തമാക്കി. 'കൗമുദി ചാനലിന്' നൽകിയ പ്രത്യേക അഭിമുഖത്തിലാണ് അടൂർ പ്രകാശ് ഇക്കാര്യം ചൂണ്ടിക്കാട്ടിയത്.