സംസ്ഥാനത്ത് 2021 മുതലുള്ള കർഷകരുടെ കൃഷിനാശ നഷ്ടപരിഹാര കുടിശ്ശികയായ 110 കോടി രൂപ ഈ മാസം അവസാനം മുതൽ വിതരണം ചെയ്തു തുടങ്ങുമെന്ന് സർക്കാർ അറിയിച്ചു. വന്യമൃഗ ശല്യം മൂലം കൃഷി നശിച്ചാൽ 100 ശതമാനം നഷ്ടപരിഹാരം ലഭ്യമാക്കാൻ ഉടൻ തീരുമാനമെടുക്കുമെന്നും കർഷകരുടെ ഉൽപന്നങ്ങൾക്ക് ഉയർന്ന വില ഉറപ്പാക്കാനുള്ള നടപടികൾ സ്വീകരിക്കുമെന്നും മന്ത്രി ടി സിദ്ദിഖ് വ്യക്തമാക്കി.
കോന്നി അരുവാപ്പുലം പഞ്ചായത്തിലെ കൃഷിനാശത്തിന് ധനസഹായം ലഭിക്കാൻ വൈകിയത് സർവേയിലെ സാങ്കേതിക തകരാറുകൾ കാരണമാണെന്നും പ്രശ്നം അടിയന്തരമായി പരിഹരിക്കാൻ റവന്യൂ മന്ത്രി നേരിട്ട് ഇടപെടുമെന്നും അറിയിപ്പുണ്ട്.
പരിസ്ഥിതി ലോല മേഖലയിൽ (ഇഎസ്എ) നിന്ന് കർഷകരുടെ കൃഷിഭൂമിയെയും ആവാസ കേന്ദ്രങ്ങളെയും ഒഴിവാക്കിക്കൊണ്ടുള്ള റിപ്പോർട്ട് ഇതിനകം സമർപ്പിച്ചിട്ടുണ്ടെന്നും ഇത് നടപ്പിലാക്കാൻ സർക്കാർ തലത്തിൽ സാധ്യമായ എല്ലാ ശ്രമങ്ങളും നടത്തുമെന്നും മന്ത്രി കൂട്ടിച്ചേർത്തു.
