തിരുവനന്തപുരം: മാധ്യമങ്ങളിലൂടെ തനിക്കെതിരെ വ്യാജ പ്രചാരണം നടത്തി മാനസിക വിഷമം സൃഷ്ടിച്ചെന്നാരോപിച്ച് എൽഡിഎഫ് നേതാവ് എസ്.പി. ദീപക്കിന് മേയർ വി.വി. രാജേഷ് വക്കീൽ നോട്ടീസ് അയച്ചു. അഞ്ച് കോടി രൂപ നഷ്ടപരിഹാരം ആവശ്യപ്പെട്ടാണ് നടപടി. 15 ദിവസത്തിനകം തൃപ്തികരമായ മറുപടി ലഭിച്ചില്ലെങ്കിൽ കോടതിയെ സമീപിച്ച് നിയമനടപടികളുമായി മുന്നോട്ടുപോകുമെന്ന് നോട്ടീസിൽ മുന്നറിയിപ്പ് നൽകുന്നു.

കോർപ്പറേഷൻ ഹാജർ പുസ്തകത്തിൽ വ്യാജ ഒപ്പിട്ടെന്ന പരാതിയിൽ മേയർ വി.വി. രാജേഷ്, വാഴോട്ടുകോണം കൗൺസിലർ ആർ. സുഗതൻ, കോർപ്പറേഷൻ സെക്രട്ടറി എന്നിവരെ പ്രതികളാക്കി മ്യൂസിയം പോലീസ് നേരത്തെ കേസ് എടുത്തിരുന്നു. സിപിഎം നേതാവായ എസ്.പി. ദീപക് നൽകിയ പരാതിയിന്മേൽ നടത്തിയ പ്രാഥമിക അന്വേഷണത്തിന് ശേഷമായിരുന്നു പോലീസ് കേസെടുത്തത്.