തിരുവനന്തപുരം: തലസ്ഥാന നഗരിയിൽ അനധികൃത റേഷൻ അരി കടത്ത്. സംഭവവുമായി ബന്ധപ്പെട്ട് പൂവാർ സ്വദേശി കാർത്തികേയന്റെ ഉടമസ്ഥതയിലുള്ള ലോറി പോലീസ് പിടിച്ചെടുത്തു. 'ശ്രീമുരുകൻ' എന്ന് പേരുള്ള ഈ വാഹനം കഴക്കൂട്ടത്ത് വെച്ച് നടന്ന പരിശോധനയ്ക്കിടെയാണ് പോലീസിന്റെ കസ്റ്റഡിയിലാകുന്നത്. കേരളത്തിലെയും തമിഴ്നാട്ടിലെയും ചെക്ക് പോസ്റ്റുകളുടെയെല്ലാം കണ്ണുവെട്ടിച്ചാണ് ഈ ലോറി കഴക്കൂട്ടം ദേശീയപാത വരെ എത്തിയത്.
പിടികൂടിയ ശ്രീമുരുകൻ ലോറി തുടർ നടപടികൾക്കായി എ.ആർ ക്യാമ്പിലേക്ക് മാറ്റിയിട്ടുണ്ട്. കേരള-തമിഴ്നാട് അതിർത്തികൾ കേന്ദ്രീകരിച്ച് അനധികൃതമായി റേഷൻ അരി കടത്തുന്ന സംഘത്തിലെ പ്രധാന കണ്ണിയാണ് കാർത്തികേയനെന്ന് പോലീസ് വ്യക്തമാക്കി.
