കാസർകോട്: ട്രെയിൻ യാത്രയ്ക്കിടെ വനിതാ യാത്രക്കാരോട് അപമര്യാദയായി പെരുമാറിയെന്ന പരാതിയിൽ കാസർകോട് ഡിവിഷണൽ ഫോറസ്റ്റ് ഓഫീസർക്കെതിരെ (ഡി.എഫ്.ഒ) കേസ്. ഡി.എഫ്.ഒ ജോസ് മാത്യുവിനെതിരെയാണ് കാസർകോട് റെയിൽവേ പോലീസ് നിയമനടപടി സ്വീകരിച്ചത്. ഇന്നലെ വൈകുന്നേരം ഓഖാ എക്സ്പ്രസ് ട്രെയിനിൽ വെച്ചായിരുന്നു കേസിനാസ്പദമായ സംഭവം നടന്നത്. സഹയാത്രികരായ സ്ത്രീകളോട് ഇയാൾ ലൈംഗിക ചുവയോടെ പെരുമാറുകയും മോശം ആംഗ്യങ്ങൾ കാണിക്കുകയും ചെയ്തുവെന്ന പരാതിയുടെ അടിസ്ഥാനത്തിലാണ് പോലീസ് കേസെടുത്തിരിക്കുന്നത്.