മലപ്പുറം: പ്രമുഖ ഇസ്‌ലാമിക പണ്ഡിതനും കേരള ജംഇയ്യത്തുൽ ഉലമാ സംസ്ഥാന പ്രസിഡന്റുമായ കിടങ്ങഴി യു. അബ്ദുറഹീം മുസ്ലിയാർ (85) നിര്യാതനായി. ഇസ്‌ലാമിക പ്രബോധന മേഖലയിലും വിദ്യാഭ്യാസ രംഗത്തും ദീർഘകാലം സജീവ സാന്നിധ്യമായിരുന്ന അദ്ദേഹം ആയിരക്കണക്കിന് ശിഷ്യഗണങ്ങളുടെ ഗുരുവര്യനാണ്. വലിയോറ ദാറുൽ മആരിഫ് കോളേജ് പ്രിൻസിപ്പലായും കിടങ്ങഴി മഹല്ല് മുൻ പ്രസിഡന്റായും സേവനമനുഷ്ഠിച്ചിട്ടുണ്ട്. ഖബറടക്കം ഇന്ന് വൈകുന്നേരം 4.30-ന് കിടങ്ങഴി ജുമാ മസ്ജിദ് ഖബർസ്ഥാനിൽ നടക്കും.