**തിരുവനന്തപുരം:** കേരളത്തിൽ ഇത്തവണത്തെ കാലവർഷ മഴയിൽ 22 ശതമാനത്തിന്റെ കുറവുണ്ടായതായി കേന്ദ്ര കാലാവസ്ഥാ വകുപ്പിന്റെ ഔദ്യോഗിക കണക്കുകൾ വ്യക്തമാക്കുന്നു. ജൂൺ ഒന്നു മുതൽ ആഗസ്റ്റ് 15 വരെയുള്ള കാലയളവിലെ വിവരങ്ങളാണ് കാലാവസ്ഥാ നിരീക്ഷണ കേന്ദ്രം പുറത്തുവിട്ടിരിക്കുന്നത്. ഈ വർഷം സംസ്ഥാനത്ത് ആകെ ലഭിച്ചത് 1213.1 മില്ലിമീറ്റർ മഴയാണ്. എന്നാൽ സാധാരണ ലഭിക്കേണ്ടിയിരുന്നത് 1556.2 മില്ലിമീറ്റർ മഴയായിരുന്നു. ആകെ ഏഴ് ജില്ലകളിലാണ് മഴയിൽ കാര്യമായ കുറവുണ്ടായിട്ടുള്ളത്. ഇതിൽ തന്നെ ഏറ്റവും കൂടുതൽ മഴക്കുറവ് നേരിട്ടിരിക്കുന്നത് വയനാട്, ഇടുക്കി ജില്ലകളിലാണ്.