വന്ദേമാതരം ഒരു ഘട്ടത്തിലും രാജ്യത്തിന്റെ ദേശീയഗാനമായിരുന്നിട്ടില്ലെന്നും, ബോധപൂർവ്വം അതിനെ അങ്ങനെ വരുത്തിതീർക്കാൻ ചിലർ ശ്രമങ്ങൾ നടത്തുന്നുണ്ടെന്നും സി.പി.ഐ സംസ്ഥാന സെക്രട്ടറി ബിനോയ് വിശ്വം തുറന്നടിച്ചു. ചീഫ് സെക്രട്ടറി വന്ദേമാതരവുമായി ബന്ധപ്പെട്ട് പുറപ്പെടുവിച്ച ഉത്തരവ് അതീവ ഗൗരവമുള്ള ഒരു വിഷയമാണെന്ന് അദ്ദേഹം വിശേഷിപ്പിച്ചു. ആർ.എസ്.എസിന്റെ പാത പിന്തുടരാൻ അധികാരികൾ നടത്തുന്ന ശ്രമങ്ങളുടെ ഭാഗമാണ് ഇത്തരം ഉത്തരവുകളെന്നും, വരും ദിവസങ്ങളിലും സമാനമായ നടപടികൾ ആവർത്തിക്കപ്പെടാൻ സാധ്യതയുണ്ടെന്നും ബിനോയ് വിശ്വം കുറ്റപ്പെടുത്തി.