ലയണൽ മെസിയെ കേരളത്തിലേക്ക് കൊണ്ടുവരാനുള്ള പദ്ധതികളുടെ മറവിൽ നടന്നത് കള്ളപ്പണ ഇടപാടാണെന്ന് മുഹമ്മദ് ഷിയാസ് എം.എൽ.എ ആരോപിച്ചു. സംസ്ഥാനത്തെ ഫുട്ബോൾ പ്രേമികളെ പൂർണ്ണമായും വഞ്ചിക്കുന്ന നീക്കമായിരുന്നു ഇതെന്ന് അദ്ദേഹം വ്യക്തമാക്കി. കലൂർ സ്റ്റേഡിയം തട്ടിയെടുക്കാനും അതിന്റെ പേരിൽ അനധികൃത പണമിടപാടുകൾ നടത്താനുമുള്ള ബോധപൂർവ്വമായ ശ്രമങ്ങളാണ് അന്നത്തെ സർക്കാരിന്റെ നേതൃത്വത്തിൽ നടന്നത്. ഈ ഇടപാടിലൂടെ ആർക്കൊക്കെ എത്ര തുക ലഭിച്ചുവെന്ന് മാത്രമാണ് ഇനി വ്യക്തമാകാനുള്ളതെന്നും അദ്ദേഹം കൂട്ടിച്ചേർത്തു.
കലൂർ സ്റ്റേഡിയമെങ്കിലും ഈ വിധത്തിൽ തിരികെ ലഭിച്ചത് ഭാഗ്യമാണെന്ന് മുഹമ്മദ് ഷിയാസ് പറഞ്ഞു. "മരം മുറിച്ചു കടത്തുന്നത് പോലെ എളുപ്പമുള്ള കാര്യമല്ല ജനങ്ങളെ വഞ്ചിക്കുക എന്നത്. ആ സത്യമെങ്കിലും തട്ടിപ്പുകാർ ഇനിയെങ്കിലും മനസ്സിലാക്കണം," എന്നും ഷിയാസ് പ്രസ്താവിച്ചു.
