ന്യൂഡൽഹി: സംയുക്ത വാർത്താസമ്മേളനം നടത്താൻ രണ്ട് തിരഞ്ഞെടുപ്പ്കമ്മീഷണർമാരെ കേന്ദ്ര സർക്കാർ ഭീഷണിപ്പെടുത്തുകയും ബ്ലാക്ക്മെയിൽ ചെയ്യുകയും ചെയ്യുകയാണെന്ന് കോൺഗ്രസ് നേതാവ് പവൻ ഖേര ആരോപിച്ചു. തിരഞ്ഞെടുപ്പ് കമ്മീഷൻ ഒറ്റക്കെട്ടാണെന്ന് വരുത്തിത്തീർക്കാൻ സർക്കാർ ശ്രമിക്കുന്നുവെന്ന അഭ്യൂഹങ്ങൾക്കിടെ എക്സ് (ട്വിറ്റർ) പ്ലാറ്റ്‌ഫോമിലൂടെയാണ് അദ്ദേഹം ഇക്കാര്യം വ്യക്തമാക്കിയത്.

ആഴ്ചകൾ കഴിഞ്ഞിട്ടും ഗ്യാനേഷ് കുമാറിനൊപ്പം വാർത്താസമ്മേളനത്തിൽ പങ്കെടുക്കാൻ ഇരു കമ്മീഷണർമാരെയും സമ്മതിപ്പിക്കാൻ '56'നും ഏജന്റുമാർക്കും സാധിച്ചിട്ടില്ലെന്ന് പവൻ ഖേര പരിഹസിച്ചു. ഒരുമിച്ചുള്ള വാർത്താസമ്മേളനത്തിന് കമ്മീഷൻ ഇതുവരെ തയ്യാറായിട്ടില്ലെന്നും അദ്ദേഹം ചൂണ്ടിക്കാട്ടി.