ന്യൂഡൽഹി: മുഖ്യ തെരഞ്ഞെടുപ്പ് കമ്മീഷണർക്കെതിരായ (സിഇസി) പ്രതിഷേധങ്ങൾക്കിടെ പോലീസ് അതിക്രമം നേരിട്ട സഹപ്രവർത്തകർക്ക് ഐക്യദാർഢ്യം പ്രഖ്യാപിച്ച് സുപ്രീം കോടതി അഭിഭാഷകർ. സുപ്രീം കോടതി മീഡിയ പാർക്കിൽ ഒത്തുകൂടിയ അഭിഭാഷകർ ഒരു മിനിറ്റ് നേരം മൗനം ആചരിച്ചതായി 'ലൈവ് ലോ' റിപ്പോർട്ട് ചെയ്തു.
സുപ്രീം കോടതി ബാർ അസോസിയേഷൻ (എസ്‌സിബിഎ), സുപ്രീം കോടതി അഡ്വക്കേറ്റ്സ് ഓൺ റെക്കോർഡ് അസോസിയേഷൻ (എസ്‌സിഎഒആർഎ) എന്നിവയിലെ അംഗങ്ങളാണ് മൗനാചരണത്തിൽ പങ്കാളികളായത്.
