ന്യൂഡൽഹി: ജോൺ ബ്രിട്ടാസ് എംപിക്കെതിരെ ഡൽഹി പോലീസ് നടത്തിയ മോശം പെരുമാറ്റത്തെയും അതിക്രമത്തെയും ശക്തമായി അപലപിച്ച് ശശി തരൂർ എംപി. ആദരണീയനായ ഒരു പാർലമെന്റേറിയനോട് പോലീസ് കാണിച്ച നടപടി അങ്ങേയറ്റം അപലപനീയമാണെന്നും വിഷയത്തിൽ ഡൽഹി പോലീസ് വിശദമായ അന്വേഷണം നടത്തണമെന്നും അദ്ദേഹം ആവശ്യപ്പെട്ടു.
പാർലമെന്റിന്റെ വിദേശകാര്യ സ്റ്റാൻഡിങ് കമ്മിറ്റിയിലെ പ്രധാന അംഗമാണ് ബ്രിട്ടാസെന്ന് എക്സിൽ പങ്കുവെച്ച കുറിപ്പിൽ ചൂണ്ടിക്കാട്ടിയ തരൂർ, പ്രസ്തുത കമ്മിറ്റിയുടെ അധ്യക്ഷനെന്ന നിലയിലാണ് താൻ ഈ ശക്തമായ പ്രതിഷേധം അറിയിക്കുന്നതെന്നും വ്യക്തമാക്കി.
