ന്യൂഡൽഹി: 57-ാമത് ചരക്ക് സേവന നികുതി (ജിഎസ്ടി) കൗൺസിൽ യോഗം കേന്ദ്ര ധനമന്ത്രി നിർമ്മല സീതാരാമന്റെ അധ്യക്ഷതയിൽ ഇന്ന് ഡൽഹിയിലെ ഭാരത് മണ്ഡപത്തിൽ ചേരും. വിവിധ സംസ്ഥാനങ്ങളിലെ ധനമന്ത്രിമാർക്കൊപ്പം മുഖ്യമന്ത്രിയും ധനമന്ത്രിയുമായ വി.ഡി. സതീശനും യോഗത്തിൽ പങ്കെടുക്കുന്നുണ്ട്. സംസ്ഥാനത്തിന്റെ പ്രധാന ആവശ്യങ്ങൾ മുഖ്യമന്ത്രി കൗൺസിലിന് മുന്നിൽ ഉന്നയിക്കുമെന്നാണ് വിവരം.
പ്രധാന നികുതി നിരക്കുകളിൽ മാറ്റങ്ങൾ വരാൻ സാധ്യതയില്ലെന്നാണ് പ്രാഥമിക സൂചനകൾ. ജിഎസ്ടി വരുമാന വിഹിതവുമായി ബന്ധപ്പെട്ട് വിവിധ സംസ്ഥാനങ്ങൾ ഉന്നയിക്കുന്ന പൊതുവായ ആശങ്കകളും യോഗത്തിന്റെ മുഖ്യ അജണ്ടയായി പരിഗണിക്കും.
