ന്യൂഡൽഹി: രാജ്യത്ത് പാചകവാതക നിരക്കുകൾ വീണ്ടും ഉയർത്തി. വാണിജ്യ ആവശ്യങ്ങൾക്കായി ഉപയോഗിക്കുന്ന എൽപിജി സിലിണ്ടറുകളുടെ വിലയിലാണ് വർദ്ധനവ് വരുത്തിയിരിക്കുന്നത്. പ്രധാന നഗരങ്ങളിൽ 71 രൂപ വരെയുള്ള വിലക്കയറ്റമാണ് ഇപ്പോൾ രേഖപ്പെടുത്തിയിട്ടുള്ളത്.
ദേശീയ തലസ്ഥാനമായ ഡൽഹിയിൽ വാണിജ്യ സിലിണ്ടറിന് 62 രൂപ 50 പൈസ കൂട്ടി. ഇതോടെ നേരത്തെ 2745 രൂപയായിരുന്ന നിരക്ക് ഉയർന്ന് 2810 രൂപയിലെത്തി. അതേസമയം, വീടുകളിൽ ഉപയോഗിക്കുന്ന ഗാർഹിക എൽപിജി സിലിണ്ടറുകളുടെ നിരക്കിൽ യാതൊരു മാറ്റവും വരുത്തിയിട്ടില്ല.
മുംബൈയിൽ 19 കിലോഗ്രാം ഭാരമുള്ള വാണിജ്യ സിലിണ്ടറിന്റെ പുതിയ വില 2764 രൂപയാണ്. ചെന്നൈയിൽ ഇത് 2983 രൂപയായി വർദ്ധിച്ചപ്പോൾ, പട്നയിൽ നിരക്ക് 3100 രൂപയിലെത്തി. വാണിജ്യ സിലിണ്ടർ വിലയിലുണ്ടായ ഈ പെട്ടെന്നുള്ള വർദ്ധനവ് ഹോട്ടലുകൾ, റസ്റ്റോറന്റുകൾ, കാറ്ററിംഗ് സ്ഥാപനങ്ങൾ തുടങ്ങിയ മേഖലകൾക്ക് വലിയ സാമ്പത്തിക ബാധ്യതയാകും സൃഷ്ടിക്കുക.
