തിരുവനന്തപുരം: കേരള പബ്ലിക് സർവീസ് കമ്മീഷൻ (പിഎസ്‌സി) പരീക്ഷാ തട്ടിപ്പുമായി ബന്ധപ്പെട്ട അന്വേഷണം മുൻ ചെയർമാൻ എം.കെ. സക്കീറിലേക്കും വ്യാപിപ്പിക്കുന്നു. തട്ടിപ്പ് നടന്നതായി കണ്ടെത്തിയ പരീക്ഷകളുടെ പശ്ചാത്തലത്തിൽ ചെയർമാനെ പ്രതിചേർത്ത കേസിൽ, പ്രത്യേക അന്വേഷണസംഘം നോട്ടീസ് നൽകി എം.കെ. സക്കീറിനെ ഉടൻ ചോദ്യം ചെയ്യും.
എം.കെ. സക്കീർ ചെയർമാനായിരുന്ന കാലയളവിൽ സംഘടിപ്പിച്ച രണ്ട് പ്രധാന പരീക്ഷകളിലാണ് ക്രമക്കേട് നടന്നതായി പരാതി ഉയർന്നിട്ടുള്ളത്. ഫിഷറീസ് എക്സ്റ്റൻഷൻ ഓഫീസർ, ഖാദി ബോർഡ് ഇൻസ്പെക്ടർ തസ്തികകളിലേക്കുള്ള പരീക്ഷകളാണ് നിലവിൽ അന്വേഷണ പരിധിയിലുള്ളത്.
കഴിഞ്ഞ നിയമസഭാ തെരഞ്ഞെടുപ്പിൽ പൊന്നാനി മണ്ഡലത്തിലെ എൽഡിഎഫ് സ്ഥാനാർത്ഥിയായിരുന്നു എം.കെ. സക്കീർ.
