തിരുവനന്തപുരം: കിഫ്ബി സർക്കാരിന് കനത്ത ബാധ്യതയാണെന്ന് വ്യക്തമാക്കുന്ന വിദഗ്ധസമിതി റിപ്പോർട്ട് ഇന്ന് മുഖ്യമന്ത്രി നിയമസഭയുടെ മേശപ്പുറത്ത് വെക്കും. റിപ്പോർട്ട് സമർപ്പിച്ച ശേഷം വിഷയത്തിൽ മുഖ്യമന്ത്രി വാർത്താസമ്മേളനം നടത്താനും തീരുമാനിച്ചിട്ടുണ്ട്.
കിഫ്ബിയുടെ പ്രവർത്തനങ്ങളിൽ കടുത്ത നിയന്ത്രണങ്ങൾ കൊണ്ടുവരാനൊരുങ്ങുന്ന സർക്കാർ, സംവിധാനം വഴിയുള്ള കടമെടുപ്പ് പൂർണ്ണമായി അവസാനിപ്പിക്കാൻ തീരുമാനിച്ചു. കൂടാതെ, കിഫ്ബി വഴി പ്രഖ്യാപിച്ച് ഇതുവരെ പൂർത്തിയാക്കാത്ത പദ്ധതികളെക്കുറിച്ച് അന്വേഷണം നടത്താനും നീക്കമുണ്ട്.
സ്ഥാപനത്തിൽ ജീവനക്കാരുടെ എണ്ണം കൂടുതലാണെന്ന് ചൂണ്ടിക്കാണിച്ച വിദഗ്ധസമിതി, ഇവരെ മറ്റ് വകുപ്പുകളിലേക്ക് പുനർവിന്യസിക്കണമെന്നും റിപ്പോർട്ടിൽ ശുപാർശ ചെയ്തിട്ടുണ്ട്.
