കോഴിക്കോട്: രമ്യാ ഹരിദാസ് എം.എൽ.എക്കെതിരെ കടുത്ത അതൃപ്തി പരസ്യമാക്കി കോഴിക്കോട് ഡി.സി.സി ജനറൽ സെക്രട്ടറിയുടെ സോഷ്യൽ മീഡിയ കുറിപ്പ്. രമ്യയെ പാർട്ടി പ്രവർത്തനങ്ങളിൽ നിന്നും മാറ്റിനിർത്തണമെന്നാണ് ഡി.സി.സി ജനറൽ സെക്രട്ടറി ഷാജിർ അറാഫത്ത് തന്റെ ഫേസ്ബുക്ക് പോസ്റ്റിലൂടെ നേതൃത്വത്തോട് ആവശ്യപ്പെട്ടിരിക്കുന്നത്. പൊതുജനങ്ങളെയും പ്രസ്ഥാനത്തെയും താഴെത്തട്ടിലെ പ്രവർത്തകരെയും രമ്യാ ഹരിദാസ് അപകീർത്തിപ്പെടുത്തിയെന്ന് അദ്ദേഹം തുറന്നടിച്ചു. കെ.പി.സി.സി വൈസ് പ്രസിഡന്റ് പദവി വഹിക്കാൻ രമ്യ ഒട്ടും യോഗ്യയല്ലെന്നാണ് കുറിപ്പിലെ പ്രധാന വിമർശനം. രമ്യക്കെതിരെ അടിയന്തര നടപടി സ്വീകരിച്ച് മാറ്റിനിർത്താൻ തയ്യാറായില്ലെങ്കിൽ വരുംദിവസങ്ങളിൽ പ്രസ്ഥാനം കനത്ത തിരിച്ചടി നേരിടേണ്ടി വരുമെന്നും അദ്ദേഹം മുന്നറിയിപ്പ് നൽകി.