തിരുവനന്തപുരം: സർക്കാരിനെതിരായ വാർത്തകൾ മെറ്റ നീക്കം ചെയ്ത വിഷയത്തിൽ മന്ത്രി കെ. മുരളീധരൻ നടത്തിയ പ്രസ്താവനയ്ക്കെതിരെ കടുത്ത വിമർശനവുമായി മുൻ ആരോഗ്യവകുപ്പ് മന്ത്രി വീണാ ജോർജ്. 'തോന്ന്യാസം കാണിച്ചാൽ മെറ്റ അത് നീക്കം ചെയ്യുമെന്ന' കെ. മുരളീധരന്റെ മാധ്യമ പ്രതികരണത്തിന് മറുപടിയുമായാണ് വീണാ ജോർജ് രംഗത്തെത്തിയത്.
"രാജ്മോഹൻ ഉണ്ണിത്താൻ നൽകിയ സർട്ടിഫിക്കറ്റ് തോന്ന്യാസമല്ലാത്തതുകൊണ്ടാകും അത് ഇതുവരെ ഡിലീറ്റ് ചെയ്യാത്തത്" എന്ന് വീണാ ജോർജ് ഫേസ്ബുക്കിൽ കുറിച്ചു. ഇതിനുപുറമേ, സമൂഹമാധ്യമ പ്ലാറ്റ്ഫോമിൽ നിന്ന് നീക്കം ചെയ്യപ്പെട്ട വിവിധ മാധ്യമ വാർത്തകളുടെ ചിത്രങ്ങളും അവർ പങ്കുവെച്ചു. റിപ്പോർട്ടർ ടി.വി, കൈരളി, ദേശാഭിമാനി, ന്യൂസ് മലയാളം എന്നീ മാധ്യമങ്ങളുടെ നീക്കപ്പെട്ട വാർത്താ കാർഡുകളാണ് വീണാ ജോർജ് പുറത്തുവിട്ടത്.
ഭരണകൂടത്തിനെതിരായ വാർത്തകൾ മെറ്റ ഒഴിവാക്കുന്നത് എന്തുകൊണ്ടാണെന്ന മാധ്യമപ്രവർത്തകരുടെ ചോദ്യത്തിന്, തോന്ന്യാസം കാണിച്ചാൽ മെറ്റ അത് നീക്കം ചെയ്യും എന്നായിരുന്നു മന്ത്രി കെ. മുരളീധരന്റെ വിശദീകരണം.
