മുൻ സർക്കാരിന്റെ ഭരണകാലത്ത് ലിയോണൽ മെസിയേയും അർജന്റീന ഫുട്ബോൾ ടീമിനെയും സംസ്ഥാനത്ത് കൊണ്ടുവരുന്നതുമായി ബന്ധപ്പെട്ട് ഉയർന്ന വിവാദങ്ങളിൽ കായികവകുപ്പ് അന്വേഷണ റിപ്പോർട്ട് സമർപ്പിച്ചു. തുടർനടപടികൾ കൈക്കൊള്ളുന്നതിനായി റിപ്പോർട്ട് മുഖ്യമന്ത്രിയ്ക്കാണ് കൈമാറിയിരിക്കുന്നത്.
കൈമാറിയത് അതീവ രഹസ്യസ്വഭാവമുള്ള റിപ്പോർട്ടാണെന്നും, വിഷയത്തിൽ കൂടുതൽ അന്വേഷണം ആവശ്യമാണെന്നും കായികവകുപ്പ് മന്ത്രി ഒ.ജെ. ജനീഷ് വ്യക്തമാക്കി. സമർപ്പിച്ച റിപ്പോർട്ടിന്റെ അടിസ്ഥാനത്തിൽ സർക്കാർ അനുയോജ്യമായ അന്തിമ തീരുമാനമെടുക്കുമെന്നും മന്ത്രി കൂട്ടിച്ചേർത്തു.
