ഒരൊറ്റ രാത്രി പെയ്ത കനത്ത മഴയിൽ ഇടുക്കി ജില്ലയിലെ ചെറു അണക്കെട്ടുകൾ നിറഞ്ഞു. ഇടുക്കി ഡാമിന്റെ ഡൈവേർഷൻ അണക്കെട്ടുകളായ ഇരട്ടയാർ, കല്ലാർ എന്നിവയിലാണ് ജലനിരപ്പ് കുത്തനെ ഉയർന്നത്. ഇതിൽ ഇരട്ടയാർ അണക്കെട്ടിലെ വെള്ളത്തിന്റെ അളവ് റെഡ് അലർട്ട് ഘട്ടത്തിലേക്ക് എത്തിച്ചേർന്നു. കല്ലാർ ഡാമിലെ ജലനിരപ്പും റെഡ് അലർട്ടിലേക്ക് ഉയർന്നുകൊണ്ടിരിക്കുകയാണ്. നിലവിൽ 748.89 മീറ്ററാണ് ഇരട്ടയാർ ഡാമിൽ  രേഖപ്പെടുത്തിയ ജലനിരപ്പ്.