ശക്തമായ മഴയെ തുടർന്ന് മലപ്പുറം ചങ്ങരംകുളത്ത് മതിൽ തകർന്നുവീണ് അപകടമുണ്ടായി. തലനാരിഴയുടെ വ്യത്യാസത്തിലാണ് വൻ ദുരന്തം ഒഴിവായത്. ഇടിഞ്ഞുവീണ മതിലിനടിയിൽപ്പെട്ട് സമീപത്തെ കടയ്ക്കും കാറിനും കേടുപാടുകൾ സംഭവിച്ചു. കെ.വി.എം അടക്കാ കമ്പനിയുടെ വലിയ മതിലാണ് നിലംപൊത്തിയത്.
ചങ്ങരംകുളം - തൃശ്ശൂർ പാതയിലെ ബസ് സ്റ്റോപ്പിന് സമീപത്തായിരുന്നു ഈ സംഭവം. അപകടം നടക്കുന്ന സമയത്ത് പരിസരത്ത് യാത്രക്കാരൊന്നും ഇല്ലാതിരുന്നതുകൊണ്ടാണ് വലിയ ആളപായം സംഭവിക്കാതിരുന്നത്.
