ശനിയാഴ്ച വൈകിട്ട് മൂന്ന് മണിക്ക് ഉത്തർപ്രദേശിലെ പ്രയാഗ്രാജിൽ നടത്താനിരിക്കുന്ന രാഹുൽ ഗാന്ധിയുടെ ‘ഛാത്രോൺ കീ ഗൂഞ്ച്’ പരിപാടിക്കെതിരെയാണ് ബിജെപി വിമർശനം ഉന്നയിച്ചത്. കോൺഗ്രസ് സഖ്യകക്ഷികൾ ഭരിക്കുന്ന സംസ്ഥാനത്ത് നടക്കുന്ന പരീക്ഷാ ക്രമക്കേടുകൾ രാഹുൽ ഗാന്ധി ശ്രദ്ധിക്കുന്നില്ലെന്നാണ് ബിജെപിയുടെ ആരോപണം.
ജാർഖണ്ഡിലെ പബ്ലിക് സർവീസ് കമ്മീഷനുമായി ബന്ധപ്പെട്ട് ഉയർന്ന ക്രമക്കേടുകളിൽ രാഹുൽ ഗാന്ധി പ്രതികരിക്കുന്നില്ലെന്നും ബിജെപി ചൂണ്ടിക്കാട്ടി. ബിജെപി ഭരിക്കുന്ന സംസ്ഥാനങ്ങളിലെ വിദ്യാർത്ഥികളുമായി സംവദിക്കാനാണ് രാഹുൽ ഗാന്ധിക്ക് താൽപര്യമെന്നും കോൺഗ്രസ് ഭരിക്കുന്ന സംസ്ഥാനങ്ങളിലെ വിദ്യാർത്ഥി പ്രതിഷേധങ്ങളിൽ അദ്ദേഹം ഇടപെടുന്നില്ലെന്നും ബിജെപി ആരോപിച്ചു.
നീറ്റ് പരീക്ഷയിലെ ക്രമക്കേടുകൾ ഉയർത്തിക്കാട്ടിയ രാഹുൽ ഗാന്ധിക്ക് ജാർഖണ്ഡിലെ വിദ്യാർത്ഥി പ്രതിഷേധത്തിന് അടിയന്തരമായി പരിഹാരം കാണേണ്ടതില്ലേയെന്നും ബിജെപി ചോദിച്ചു.
