സുരക്ഷാ ആശങ്കകൾ ചൂണ്ടിക്കാട്ടി യുഎസ് സോക്കർ ഫെഡറേഷൻ ദേശീയ ടീമിനെ പിൻവലിച്ചെങ്കിലും ഖത്തറിൽ നടക്കുന്ന അണ്ടർ 17 ഫിഫ ലോകകപ്പ് നിശ്ചയിച്ച പ്രകാരം നവംബർ 19-ന് തന്നെ ആരംഭിക്കുമെന്ന് ഫിഫ വ്യക്തമാക്കി. ഖത്തറിലേക്ക് ടീമിനെ അയക്കേണ്ടതില്ലെന്ന അമേരിക്കയുടെ പ്രഖ്യാപനത്തിന് മണിക്കൂറുകൾക്ക് ശേഷം അന്താരാഷ്ട്ര മാധ്യമമായ അൽ ജസീറയ്ക്ക് നൽകിയ പ്രതികരണത്തിലൂടെയാണ് ഫിഫ വ്യാഴാഴ്ച ഇക്കാര്യം അറിയിച്ചത്.
ടീമുകളുടെയും ഫുട്ബോൾ ആരാധകരുടെയും സുരക്ഷയ്ക്കാണ് തങ്ങൾ പ്രഥമ പരിഗണന നൽകുന്നതെന്ന് ഫിഫ അധികൃതർ പ്രസ്താവനയിൽ പറഞ്ഞു. മറ്റ് എല്ലാ ഫിഫ ടൂർണമെന്റുകളെയും ഇവന്റുകളെയും പോലെ തന്നെ യാതൊരു സുരക്ഷാ ഭീഷണികളുമില്ലാതെ ഈ ലോകകപ്പും നടക്കുമെന്നും ഫിഫ ഉറപ്പുനൽകി.
കഴിഞ്ഞ മാസങ്ങളിൽ ഖത്തർ നിരവധി അന്താരാഷ്ട്ര കായിക മത്സരങ്ങൾക്ക് വിജയകരമായി ആതിഥേയത്വം വഹിച്ചിട്ടുണ്ട്. മോട്ടോജിപിയുടെ ഖത്തർ ഗ്രാൻഡ് പ്രിക്സ്-8, എഫ്‌ഐപി പാഡൽ ലോകകപ്പ്-2026 എന്നീ രണ്ട് പ്രധാന അന്താരാഷ്ട്ര ടൂർണമെന്റുകളാണ് കഴിഞ്ഞ രണ്ടാഴ്ചയ്ക്കിടെ ഇവിടെ നടന്നത്.
