മുംബൈ: രഞ്ജി ട്രോഫി എലൈറ്റ് ഗ്രൂപ്പ് ഡി പോരാട്ടത്തിൽ ഹരിയാനയ്‌ക്കെതിരെ ഒരൊറ്റ മത്സരത്തിൽ സെഞ്ചുറിയും അഞ്ച് വിക്കറ്റ് നേട്ടവും സ്വന്തമാക്കി മുംബൈയുടെ 21-കാരൻ ഓൾറൗണ്ടർ മുഷീർ ഖാൻ. ഇതോടെ ഈ നൂറ്റാണ്ടിൽ ഈ ചരിത്ര നേട്ടം സ്വന്തമാക്കുന്ന ആദ്യ മുംബൈ താരമായി ഇന്ത്യൻ താരം സർഫറാസ് ഖാന്റെ സഹോദരൻ കൂടിയായ മുഷീർ മാറി. 1990-91 സീസണിൽ മുൻ ഇന്ത്യൻ ക്യാപ്റ്റൻ രവി ശാസ്ത്രിയാണ് മുംബൈയ്ക്കായി അവസാനമായി ഈ നേട്ടം കുറിച്ചത്.
ബാറ്റിംഗിൽ സെഞ്ചുറി തികച്ച താരം, ബോളിംഗിൽ 85 റൺസ് വഴങ്ങി ആറ് വിക്കറ്റുകൾ പിഴുതതോടെ ഹരിയാന ആദ്യ ഇന്നിംഗ്സിൽ 270 റൺസിന് പുറത്തായി. ബി.കെ.സി ഗ്രൗണ്ടിൽ മുംബൈ ഉയർത്തിയ 430 റൺസ് പിന്തുടർന്ന ഹരിയാനയ്‌ക്കെതിരെ ഇതോടെ ആതിഥേയർ 160 റൺസിന്റെ കൂറ്റൻ ഒന്നാം ഇന്നിംഗ്സ് ലീഡ് ഉറപ്പിച്ചു.
തുടർന്ന് ഹരിയാനയെ മുംബൈ ഫോളോ ഓണിനയക്കുകയായിരുന്നു. മൂന്നാം ദിനം കളി നിർത്തുമ്പോൾ രണ്ടാം ഇന്നിംഗ്സിൽ രണ്ട് വിക്കറ്റ് നഷ്ടത്തിൽ 73 റൺസ് എന്ന നിലയിലാണ് ഹരിയാന.
