തിരുവനന്തപുരം: സ്കൂളുകളിൽ നൽകിവന്ന കെ-ഫോൺ സൗജന്യ ഇന്റർനെറ്റ് സേവനം അവസാനിപ്പിച്ച നടപടി പുനഃപരിശോധിക്കാൻ വിദ്യാഭ്യാസ വകുപ്പ് തീരുമാനിച്ചു. സൗജന്യ ഇന്റർനെറ്റ് സൗകര്യം തുടർന്നും ലഭ്യമാക്കുന്നതിനായി മറ്റ് ബദൽ മാർഗങ്ങൾ കണ്ടെത്താനാണ് വകുപ്പിന്റെ ശ്രമം. വിഷയം സംബന്ധിച്ച് വിദ്യാഭ്യാസ മന്ത്രി മുഖ്യമന്ത്രിയുമായി നേരിട്ട് കൂടിക്കാഴ്ച നടത്തും. ഇന്റർനെറ്റിന് പണം ഈടാക്കുന്നത് സ്കൂളുകൾക്ക് വലിയ സാമ്പത്തിക ഭാരമുണ്ടാക്കുമെന്ന പരാതി ഉയർന്ന സാഹചര്യത്തിലാണ് നടപടി.
കെ-ഫോൺ വഴിയുള്ള ഇന്റർനെറ്റിന് ഇനി മുതൽ സ്കൂളുകൾ തുക നൽകണമെന്നായിരുന്നു മുൻപ് നൽകിയ നിർദേശം. കൃത്യമായി ബില്ല് അടയ്ക്കുന്നവർക്ക് മാത്രം സേവനം നൽകിയാൽ മതിയെന്ന തീരുമാനത്തിലായിരുന്നു കെ-ഫോൺ. ഇത് സംബന്ധിച്ച് കെ-ഫോൺ അയച്ച ഇമെയിൽ സന്ദേശം വിദ്യാഭ്യാസ വകുപ്പ് പുറത്തുവിടുകയും ചെയ്തിരുന്നു.
സംസ്ഥാനത്തെ അയ്യായിരത്തിലധികം വരുന്ന, അതായത് 6000-ത്തോളം സ്കൂളുകളിലാണ് കെ-ഫോൺ ലഭ്യമാക്കുന്നത്. ഒരു ഓഫീസിനും ഇനി സൗജന്യമായി സേവനം നൽകില്ലെന്നായിരുന്നു അവരുടെ നിലപാട്. 2018 മുതലാണ് കെ-ഫോൺ സേവനങ്ങൾ ലഭ്യമായി തുടങ്ങിയത്. ഇന്റർനെറ്റ് സേവനം ആവശ്യമുള്ള സ്കൂളുകൾ അത് മുൻകൂട്ടി അറിയിക്കണമെന്ന നിർദേശവും നേരത്തെ നൽകിയിരുന്നു.
