തിരുവനന്തപുരം: മുഖ്യമന്ത്രിയുടെ ചാർട്ടേഡ് വിമാനയാത്രയുമായി ബന്ധപ്പെട്ട് ഉയർന്ന രാഷ്ട്രീയ വിവാദത്തിൽ അതിരൂക്ഷമായ വിമർശനവുമായി എ.എ. റഹീം എം.പി. മുഖ്യമന്ത്രിയുടെ സ്പോൺസർമാരും അടുത്ത പരിചയക്കാരും മുഖം വെളിപ്പെടുത്താൻ സാധിക്കാത്ത അധോലോക നായകന്മാരാണോ എന്ന് ചോദിച്ചുകൊണ്ട് ഫേസ്ബുക്കിൽ പങ്കുവെച്ച കുറിപ്പിലൂടെയാണ് അദ്ദേഹം രംഗത്തെത്തിയത്.
പരസ്യമായി വെളിപ്പെടുത്താൻ കൊള്ളാത്ത സുഹൃത്തുക്കളുമായി സുതാര്യതയില്ലാത്ത ദുരൂഹ യാത്രകൾ നടത്താനുള്ള സൗകര്യമായി ഭരണഘടനാ പദവിയെ ദുരുപയോഗം ചെയ്യരുതെന്ന് അദ്ദേഹം വ്യക്തമാക്കി. മുഖ്യമന്ത്രിയായി സത്യപ്രതിജ്ഞ ചൊല്ലി അധികാരമേറ്റെടുത്തത് അജ്ഞാതരായ സ്പോൺസർമാരുടെയും ദുരൂഹത നിറഞ്ഞ കൂട്ടാളികളുടെയും ഔദാര്യത്തിൽ നാട് ഭരിക്കാനല്ല. ഇത്തരം കാര്യങ്ങൾ പൊതുസമൂഹത്തിൽ നിന്ന് ഒളിച്ചുവെക്കാമെന്നോ അധോലോക ശക്തികൾക്ക് കീഴടങ്ങി ഭരണം നടത്താമെന്നോ അന്ന് അധികാരമേൽക്കുമ്പോൾ എടുത്ത സത്യപ്രതിജ്ഞയിൽ പറഞ്ഞിട്ടില്ലെന്നും റഹീം ഫേസ്ബുക്ക് കുറിപ്പിലൂടെ ഓർമ്മിപ്പിച്ചു.
എ എ റഹീമിന്റെ ഫേസ്ബുക്ക് കുറിപ്പ്
മുഖ്യമന്ത്രിയുടെ പരിചയക്കാരും സ്പോണ്സര്മാരും മുഖമില്ലാത്ത അധോലോക നായകരോ? ?അന്നൊരിക്കല് കൊച്ചിയിലേക്ക് ഒരു ഹെലിക്കോപ്റ്റര് യാത്ര. അമ്മായിയപ്പനെ കാണാന് പോയതല്ല, ഒരു 'ഇന്വെസ്റ്റര് ഗ്രൂപ്പിനെ' കാണാന് പോയതാണെന്ന് മുഖ്യമന്ത്രി.
ആരാണ് ആ ഇന്വെസ്റ്റര് ഗ്രൂപ്പ്??
ഇന്ന് വരെ വെളിപ്പെടുത്താന് മുഖ്യമന്ത്രി തയ്യാറായിട്ടില്ല. ?ഇപ്പോള് ഇതാ ചാര്ട്ടേഡ് വിമാനത്തില് ഒരു മലപ്പുറം യാത്ര!
അത് ഒരു 'പരിചയക്കാരന്റെ' വിമാനമാണെന്ന് ഇന്ന് മറുപടി. ആരാണ് ആ 'പരിചയക്കാരന്' എന്ന് മാധ്യമങ്ങള് ആവര്ത്തിച്ച് ചോദിച്ചിട്ടും 'വെളിപ്പെടുത്താന് മനസ്സില്ല' എന്ന ദുരൂഹമായ നിലപാട്!
?പുറത്തു പറയാന് പറ്റാത്ത സുഹൃത്തുക്കളും, സുതാര്യമല്ലാത്ത ദുരൂഹ യാത്രകളും നടത്താനുള്ള സൗകര്യമല്ല ഈ ഭരണഘടനാ പദവി.
അന്ന്,
?സെന്ട്രല് സ്റ്റേഡിയത്തില് ''വടശേരി ദാമോദര മേനോന് സതീശന്'' എന്ന താങ്കള് സത്യപ്രതിജ്ഞ ചൊല്ലി അധികാരമേറ്റത് അജ്ഞാത സ്പോണ്സര്മാരുടെയും,ദുരൂഹ പരിചയക്കാരുടെയും ചെലവില് ഭരിക്കാനല്ല. അതൊക്കെ മറച്ചു വയ്ക്കാമെന്നും,അധോലോകക്കാര്ക്ക് വിധേയപ്പെട്ട് ഭരണം നടത്താമെന്നും അന്ന് ചൊല്ലിയ ആ സത്യപ്രതിജ്ഞയില് ഉണ്ടായിരുന്നുമില്ല!
