പരീക്ഷകളിലെ ക്രമക്കേടുകൾക്കെതിരെ പ്രതിഷേധ സമരം നടത്തിയ വിദ്യാർത്ഥികളെ അധിക്ഷേപിച്ച് വിദ്വേഷ പ്രസ്താവന നടത്തിയ കേസിൽ സംഘപരിവാർ സഹയാത്രികനായ ടി.ജി. മോഹൻദാസിന്റെ അറസ്റ്റ് രേഖപ്പെടുത്തി. കൊച്ചിയിൽ വെച്ച് പോലീസ് കസ്റ്റഡിയിലായ ഇദ്ദേഹത്തെ ഇന്നലെ അർദ്ധരാത്രിയോടെ തിരുവനന്തപുരത്ത് എത്തിക്കുകയായിരുന്നു. തുടർനടപടികളുടെ ഭാഗമായി മോഹൻദാസിനെ ഇന്ന് തന്നെ കോടതിക്ക് മുമ്പാകെ ഹാജരാക്കും.