തിരുവനന്തപുരം: പരീക്ഷാ തട്ടിപ്പുമായി ബന്ധപ്പെട്ട അന്വേഷണത്തോട് നിസഹകരണ നിലപാട് സ്വീകരിച്ച് പബ്ലിക് സർവീസ് കമ്മീഷൻ (പി.എസ്.സി). പരീക്ഷാ വിഭാഗത്തിലുള്ള കമ്പ്യൂട്ടർ വിട്ടുനൽകാൻ സാധിക്കില്ലെന്ന നിലപാടിലാണ് കമ്മീഷൻ. കേസിലെ നിർണായക തെളിവുകൾ ശേഖരിക്കുന്നതിനായി കമ്പ്യൂട്ടർ കൈമാറണമെന്ന് ആവശ്യപ്പെട്ട് പ്രത്യേക അന്വേഷണ സംഘം (എസ്‌.ഐ.ടി) കത്ത് നൽകിയിരുന്നു. എന്നാൽ, പരീക്ഷാ നടപടികളുടെ മുഴുവൻ നിയന്ത്രണത്തിനും ഈ കമ്പ്യൂട്ടർ അത്യന്താപേക്ഷിതമാണെന്നാണ് പി.എസ്.സി ഉന്നയിക്കുന്ന വാദം. കമ്മീഷന്റെ ഈ നിലപാടിനെത്തുടർന്ന് എസ്‌.ഐ.ടി ഇപ്പോൾ വിഷയത്തിൽ നിയമോപദേശം തേടിയിരിക്കുകയാണ്.